طبعاً كلنا نعرف اللعبه .. وأي انسان يدخل العالم الأنترنتي ويبحر بأي موقع بيلاقي الأعلان ( كون قريتك الآن .. ! )

طبعاً استهزائي باللي يلعبونهاا وضحكي عليهم لايوصف .. مع انه اغلب اللي يلعبها كبار .. ,

اللي صار انه مره كنت من الفضاوه ودي اكسرر الاب توب اللي قبالي الساعه 2 ونص بالليل .. البيت كله نايم .. وانا بالصاله مقابله التلفزيون اللي مااسمع منه شي بس شعوور انه فيه حاجه شغاله قدامي .. ومــــــــــــــــلل .. نت 24 ساعه .. طيب وبعدين ؟

قالت لي بنت عمي خذي الرابط وجربي .. قلت لها نعم!!!! انا !!! وعععع مابقى الا اني العب هاللعبه البايخه! ماعطتني وجه وحطت لي الرابط على المسن يمكن اغير رايي على قولتها .. وصدق فتحت الموقع على اساس اني ابستكشف وفاتحته وانا رافعه حاجب واخزه من طرف عين :d  ..

بعد هالكلام بـ 3 اسابيع .. عندي 4 قرى في اربع سيرفرات مختلفه !!!!!!!!!!!!!!!!!!!!!!!!

ادمنتهاا .. وبشكل مو طبيعي .. لدرجه اني لما اقوم من النوم انبسط اني غبت عنها فتره ومواردي زادت واقدر اسوي اللي ابيه ..

بس اللي صاير الحين (واهل اللعبه بيفهمون كلامي ) انه دخلت سالفه الفلوس بالموضوع وفتوى على تحريم اللعبه من اساسها!!

(( طبعاً عشان تتطور قريتك لازم تطور الموارد والموارد تتطور بالساعات وببطئ شديد .. استغلوا اصحاب الموقع ولذكائهم الشديد انه يكون فيه ذهب تشتريه عشان تحمي قريتك من الهجوم من جهه وتزيد الموارد بشكل خيالي من جهه اخرى ! ))

اعرف ناس يدفعون بالألف وزياده على ذهب ولعبه وهميه في عالم النت !!

طبعاً انا معارضه الموضوع من اساسه بس يوم دخلت جوو اللعبه وعشته .. عرفت صدق ليه هم يشترون لأنه اللعبه ممله بمرحله التطوير واحلى حاجه لماا توصل لمراحل متقدمه وتبدى تحارب ..

صارت البطاقات تباع بجنوووون وبكل مكان تقريباً .. وصارت الحين بسبب هالشي مشهوره اكثر .. مما خلى مواقع كثيره تفتح اللعبه او مشابه لها بطرق افضل سواء الـثلاثي الأبعاد او الموارد السهله ..

انا وحده فيني طبع واعرفه زيييين .. لما استهزء بحاجه وماتعجبني .. اعرررف بقرارة نفسي اني راح املكها قريب .. او اني راح اعششقها واتعلق فيها بشكل مضححككك

وبتشوفون .. اذا ما اكتشفت معجزه العالم وختمت اللعبه ما اكووون ( تقهر الكل )